Khuwahish kya hai?
Koi issy apny dil ki aah kahy ga to koi issy khud ki zarorat kahy ga kaya yeh sahi hai?
Mery khayal sey khuwahish ek aisa amal hai jo hum apni zarorton sey hat kar kisi cheez ko chahty hain aur hamain mill nahi pati par kaya agar na milly to hum ko uss pak zaat par unglee uthany ka moqa mill gaya nahi khuwahish to her ek insaan main hoti hai kuch pori ho jati hain kuch adhoori si ek bezuban see haqeeqat ban jati hain yaa aam logon ki zubaan main issy khuwab keh lain.
khuwahish to her cheez main hai raat main hai din main hai chaand jo bohot lambaa safar karta hai phir bi chalta hai bina kissi sey koi shikayat kiye bina.
khuwahish karna islaam main jayaz hai magar uss khuwahish key peechy pagloon key jessy bhagna Rab ki marzi key khilaaf hai khuwahish karo magar islaam ki had main reh kar agar kuch nahi milta to zaror insaan ki bhalai ho gi islam insaan ko har cheez ki ijazat deta hai pori azadi hai magar iss key sath ek had bhi baandh di gai hai.
mujh main bhi ek azad pareendy key jessy urny ki khuwahish hai magar mujhy uss zaat ney insaan bnaya to kuch soch kar banaya hai main yeh soch kar hi khush ho jati hoon key haan mujh main itni taqat to hai key bhaly main urr nahi paon gi kabhi par urty huy pareendon ki urran ko khud main bhar sakoon.
insaan apni khuwahishon ko pora karny main koi had nahi chorta bina ye jany key uss key liye kaya theek hai magar phir ek waqt par ussy ehsas hota hai ye khuwahish nahi balkey usske janoon tha aur jab tak ehsas hota hai insaan bohot door nikal ata hai bohot door KHUDARA samjho khud ko aur ALLAH ki hadoon ko mat par karo uss ki hadon ko yeh had toot gai to shayd hum khud ko kho dain aur khud key wajood ko jannat key muqaam sey bohot door le jain
Written By: Hasiba
Written By: Hasiba
No comments:
Post a Comment